ازيكم يا شباب ... حسنى عزمكم يوم 4 مايو المقبل في مدينة شرم الشيخ. على فرح ابنه...
الكلام ده جد ومش ضحك .... وادى الموضوع فعلا
القاهرة - يقام حفل زفاف جمال مبارك على خطيبته خديجة محمود الجمال، يوم 4 مايو المقبل في مدينة شرم الشيخ.
أكدت مصادر مطلعة أن الزفاف سيتم في حفل عائلي محدود، ولن يحضره سوي أفراد العائلتين، وبعض الأصدقاء المقربين.
لانهم عايزين يوفروا التورتات والجاتوهات...
جمال مبارك اختار يوم 4 مايو لحفل زفافه في لفتة تحية لوالده الرئيس حسني مبارك، حيث يوافق هذا اليوم عيد ميلاده.
اتأكدتم من جدية الموضوع ..... طيب الحمد لله
طيب ايه الهدف منه؟؟؟؟
الهدف من الموضوع انى عاوزه اسألكم سوال واحد:::....
ايه هو اسباب تأخر زواج ابن الريس ؟
ياريت اللى يعرف يقولى
انا من وجهة نظرى
ان عقبال ما كون نفسة واخد شقة ايجار جديد فى 6 اكتوبر ولقى وظيفة فى الحكومة بعد ما كان شغال مندوب مبيعات فى شوارع القاهره...
وربنا وفقوا ولقى عروسة واتجوزها اى نعم شكل عروستة زى ما يكون بتشتغل فى شارع الهرم بس تمام ... مش عارف ابوه وافق ازاى على العروسة دى...
هو يمكن حب يستروا قبل ما الجواز يغلى والعفش والخشب كل يوم فى الطالع وسعر الدهب بيغلى كل يوم قالك اخلصوا دلوقتى احسن وراح جبلوا شوالين قطن علشان ينجد بيهم واتفق مع عبد الفتاح كهربة علشان ينزلوا فراشة الفرح
بس ليه اخر جوازة لحد الوقتى برضه ؟